Prenta út Tengt efni Botnmálning. Daggarmarks- útreikningar.

Almennt um tæringu

Nokkur atriði um "hefðbundna" tæringu í andrúmslofti.

Til að tæring eigi sér stað þarf anóðu, katóðu, raflausn og raftengi. Hefðbundna tæringu á stáli er hægt að lýsa á eftirfarandi máta.

• Anóða er staður sem tærist og gefur frá sér rafeindir (e-).
• Katóða er staður sem styrkist og tekur til sín rafeindir.
• Raflausn er upplausn þar sem tæring og jónaflutningur á sér stað. Upplausnin getur verið vatn og sölt, t.d. sjór.
• Raftengið er sjálfur málmurinn þar sem rafeindir geta ferðast á milli anóðu og katóðu.
• Rafeindir fara á milli anóðu og katóðu og tæring á sér stað í upplausninn.

Meðal þátta sem hafa áhrif á tæringu

• Styrkur súrefnis - Aukin styrkur eykur tæringu.
• Mengun - Sum efni eru mjög tærandi.
• Hitastig - Aukin hiti eykur tæringu.
• Sýrustig - Lágt sýrustig er tærandi en hátt verjandi.
• Rakastig - Meiri raki gefur meiri tæringu.
• Selta - Aukin selta eykur tæringu.

Málning ver á þrjá mismundandi vegu, þ.e.a.s. með þykktarvörn, hindrandi vörn og galvanvörn.