Prenta út Tengt efni Botnmálning. Daggarmarks- útreikningar.

Umhverfisþættir

Það eru mörg atriði, sem verður að fylgjast með meðan málningarvinnu stendur yfir. Meðal atriða sem eftirlitsmaður skoðar er hitastig, rakastig og loftræsting.

• Lofthitastig
  • Of hár hiti getur valdið því að málningin þornar of fljótt og nái ekki að mynda almennilega filmu.
  • Of lítill hiti getur valdið því að málningin þornar ekki eða illa. Vatnsmálning og alkýðmálning þurfa t.d. + 5 °C til að þorna almennilega.
• Stálhitastig eða yfirborðshiti getur skipt miklu máli, m.a. vegna döggunar. Yfirborð skal vera a.m.k. 3 °C yfir daggarmarki við málun.
• Rakastig getur skipt miklu máli, þar sem það segir til um döggunarmark á yfirborði. Sjá nánar döggunarmarksreikningar.
• Hitastig á málningu skiptir miklu máli. Best er að það sé á bilinu 15 °C - 20 °C, til að vinnslueiginleikar málningarinnar njótist sem best.
• Loftræsting þarf að vera góð til flýta fyrir þurrki og til að tryggja gott og heilsusamlegt umhverfi.

Þegar mæla á rakastig skiptir miklu máli að hafa nákvæm tæki og tól til verksins. Hér til vinstri sést stafrænn rakamælir, sem getur mælt á fljótlegan hátt lofthita, stálhita, rakastig og daggarmark. Mælirinn til hægri er svokallaður ,,Slingometer", sem er handvirkur og metur rakastig út frá hitamismun á lofthitamælir og hitamælir í blautu yfirborði.