Prenta út Tengt efni Litir og lita-samsetningar. Bæklingar og verklýsingar. Spurningar og svör.

Handbók heimilanna

Veggir, skjólveggir, grindverk og pallar

Viður er viðkvæmt byggingarefni sem fúnar og bólgnar af raka en springur af þurrki. Þar sem áhrif sólarljóss er mikil líkt og hér á landi myndast fljótt grámi. Tröppur, sólpallar, handrið og annað úr gagnvörðum viði getur að sjálfsögðu staðið lengur óvarið, en þegar notað er ógagnvarið efni. Gagnvörnin ver timrið gegn fúa og þess háttar en ekki gegn sólarljósi eða raka. Því fer fljótlega að sjá á viðnum ef ekki er gripið í taumana.
Megin ástæður fyrir flögnun á timburvirki eru að viðurinn hefur verið málaður blautur eða fum í handbragið. Fúamyndun hefst ef raki í viðnum fer yfir 20 %. Því er mikilvægt að hindra að vatn eigi greiðan aðgang að timbrinu. Því skal metta alla sjúgandi viðarfleti með grunnvörn fyrir málun. Sérstaklega er mikilvægt að metta endatré.
Með reglulegu viðhaldi, réttum efnum og góðum ráðum má hæglega koma í veg fyrir ofangreind vandamál og halda viðnum sem nýjum áratugum saman. Slippfélagið býður mikið úrval af viðarefnum. Allt frá fljótþornandi vatnsþynntum akrýlefnum, til gamaldags línolíuefna, sem þurfa nokkra daga til að þorna við bestu aðstæður.

Svona gerum við

Byrjið á því að verja gróður. Þar sem sveppamyndun og grámi er hafin þarf að hreinsa flötinn með klórblöndu, Alg & Mögeltvätt og skafa hann síðan vel. Fjarlægið fitu og ryk, svo viðloðun sé tryggð.	Skolið vandlega með vatni og fjarlægið öll þvottaefni eins fljótt og auðið er. Garðslanga hentar vel til verksins.	Fjarlægið lausa málningu með sköfu. Eldri málning verður að vera föst, því hún er í raun grunnur undir nýju málninguna. Sléttan við getur þurft ýfa upp með sandpappír. Viðurinn skal vera orðinn vel þurr fyrir málun!	Grunnið beran við með Viðar grunnvörn og mettið endatré sérstaklega vel. Góð grunnvörn er lykilatriði fyrir endingargott kerfi.
		Pallar: Viðurinn verður að vera þurr og laus við ryk. Berið klórblöndu á gamlan og grámaðan við. Skafið með karbítsköfu og skolið síðan með vatni. Heflaðan við, sem hefur staðið óvarinn, getur þurft pússa með sandpappír nr. 80. Ef viðurinn er gljúpur getur þurft að bera á 2-4 umferðir af Viðar pallaolíu, án þess að láta efnið þorna á milli og metta þannig viðinn þangað til hann hættir að taka við. Þurrkið af umfram efni með tusku. Fargið slíkum tuskum tryggilega vegna sjálfsíkveikju! Berið Viðar pallaolíu á meðan viðurinn er nýlegur. Sé þetta gert reglulega verður viðurinn alltaf sem nýr. Ekki er æskilegt að nota þekjandi eða hálfþekjandi viðarvörn á palla.
Grunnið ómálaða fleti með Viðar grunnmálningu. Hún myndar viðloðun, auk þess að verja viðinn gegn fúamyndun.	Málið tvær umferðir með Viðar hálfþekjandi, Viðar þekjandi eða Hjörva 30. Grunnmálninguna má ekki vanta ef málað er með Hjörva 30.