Prenta út Tengt efni Litir og lita-samsetningar. Bæklingar og verklýsingar. Spurningar og svör.

Handbók heimilanna

Stofur og herbergi

Slippfélagið býður upp á umhverfisvænar og hágæða plastmálningu með 100 % hreinum akrýl. Slíkt efni gefa mikla þvott-, gljá- og litheldni. Þessi efni eru til í mörgum gljástigum og hægt er að lita þessi efni í nær óteljandi litaafbrigði með umhverfisvænum og afar litheldnum litapöstum.
Til að auðvelda litaval er hægt að fá litlar litaprufur í öllum litum og prófa hinar og þessar litasamsetningar.

Þegar loft og veggir í íbúðarhúsnæði eru máluð eru nokkur atriði sem ber að hafa í huga.

• Loft eru alltaf máluð á undan veggjum og oftast höfð ljósari á litinn. 
• Ekki er ráðlagt að mála loft með hærra gljástig en 5. Á veggi er notað gljástig 10-20.
• Í eldhúsi og baðherbergi er mælt með enn hærra gljástigi, t.d. með Hemukrýl málningu.
• Aukin gljái gerir misfellur á yfirborði meira sjáanlegar.
• Augað skynjar liti mismunandi eftir gljáa.
• Litir virðast sterkari á stórum flötum. Veljið því daufari liti á stóra fleti og sterkari á litla.
• Lýsing hefur áhrif á liti.
• Byrjið ekki á nýrri málningardós á miðjum veggi.
• Rétt hitastig (15-20 °C) og rakastig (40-70 %) skipta máli hvernig til tekst.

Þó innanhússmálning Slippfélagsins hafi góða viðloðunarhæfni, þarf yfirborð sem á að mála að vera hreint og þurrt. Sérstaklega er mikilvægt að hafa þetta í huga við endurmálun á eldhúsum þar sem fita getur verið fyrir hendi. Því er mjög mikilvægt að hreinsa flötinn vel með hentugum málningarhreinsi.

Svona gerum við

Mikilvægt er að fletir sem eru málaðir séu þurrir og hreinir. Fitu og mikil óhreinindi þarf að þrífa burt með málningarhreinsi.	Fjarlægið lausa málningu og spartlið sprungur með Breplasta LF, LH eða LG. Pússið með sandpappír nr. 100.	Loft: Málið tvær umferðir með Bett 3.	Notið góðan pensil í kverkar við lista og rafmagnsdósir. Þar sem erfitt er að komast að kemur ofnarúlla að góðu gagni. Athugið að nota aldrei einnota pensla.
		Bett innanhússmálning og Hemukrýl Bett er vatnsþynnanleg, fljótþornandi plastþeytumálning með þremur mismunandi gljástigum, þ.e. 3/10/20. Efnisnotkun er 8 m²/l og yfirmálun er eftir 3 klst. Hemukrýl er vatnsþynnanlegt akrýllakk (gljástig 30 og 90), sérstaklega ætlað til notkunar þar sem raki og bleyta eru. Í lakkinu eru efni sem hindra sveppamyndun (myglu). Efnisnotkun er 10 m²/l, þurrktími 1 klst og yfirmálun er eftir 6 klst. Sé ætlunin að gera línu 1-10 cm frá lofti er notaður stillanlegur kverkapatti.
Gott er að nota límband til að líma yfir þá fleti sem ekki á að mála. Áríðandi er að fjarlægja það áður en málningin hefur þornað.	Veggir: Málið tvær umferðir með Bett 10/20, allt eftir aðstæðum hverju sinni. Ef óskað er eftir meiri styrk þá er Hemukrýl lakk notað.