Prenta út Tengt efni Litir og lita-samsetningar. Bæklingar og verklýsingar. Spurningar og svör.

Handbók heimilanna

Steinveggir og svalagólf

Þegar nýtt steinhús er málað er mikilvægt að allir fletir séu lausir við efni sem geta hindrað viðloðun. Eftir flekamót eru olíuefni og sementshúð sem verður að fjarlægja, t.d. háþrýstiþvotti, sandblæstri eða slípun. Veðrun til langs tíma getur gert sama gagn.
Á sléttum steyptum fleti er best að tryggja viðloðun eftir sílanböðun með Brynju, sem er terpentínu þynnanleg akrýlmálning. Sama gildir um viðgerða fleti á eldri húsum. Sökklar og annað sem er neðanjarðar, er hægt að húða með Hempinol tjöru.

Við endurmálun á steinveggjum þar sem einhver flögun hefur orðið, er nauðsynlegt að koma í veg fyrir orsakir, svo ekki sæki allt í sama horfið.
Við málun á svalagólfum þarf fyrst að fjarlægja sementshúð með saltsýrublöndu. Þegar gólfið er orðið vel þurrt er það málað með Hempaþani sem er sterk tveggja þátta polýúreþanmálning. Fyrri umferðin er gott að þynna eftir íblöndun herðis en seinni umferðin skal vera óþynnt.

Svona gerum við

Áður en málun hefst þarf að tryggja viðloðun. Þar sem gróður hefur sest í veggi, þarf að nota klórblöndu, líkt og Alg & Mögeltvätt, til að fjarlægja hann tryggilega.	Fjarlægið lausa málningu og gerið við múrskemmdir og sprungur. Slíkar skemmdir eru vandamál sem borgar sig að leysa í samráði við sérfræðinga á því sviði.	Nýmálun. Sílanböðun er aðferð til að verja stein. Sílanefni mega ekki komast í snertingu við gler. Endurmálun: Sílanberið viðgerðir og smásprungunet.	Nýmálun: Grunnið með Brynju. Endurmálun: Allir viðgerðir fletir blettaðir með Brynju.
		Brynja, Vitretex og Steinsílan Brynja er terpentínuþynnanleg akrýlmálning ætluð á steinsteypu og múrhúð utanhúss. Efnisnotkun er 5 m²/l og yfirmálun er eftir 5 klst. Vitretex er vatnsþynnanleg akrýlmálning ætluð á steinsteypu og múrhúð utanhúss. Efnisnotkun er 10 m²/l og yfirmálun er eftir 6 klst. Vitretex þykkmálning er vatnsþynnanleg og teygjanleg akrýlmálning ætluð á steinsteypu og múrhúð utanhúss. Efnisnotkun er 8-10 m²/l og yfirmálun er eftir 6 klst. Steinsílan er vatnsþynnanleg sílikonmálning sem hrindir mjög vel frá sér vatni, ætluð á steinsteypu og múrhúð utanhúss. Efnisnotkun er 6 m²/l og yfirmálun er þegar þurr. Sjá nánari umfjöllun um steinsteypu!
Nýmálun og endurmálun: Málið tvær umferðir með Brynju, Vitretex eða Steinsílan. Notið Vitretex þykkmálningu á lágrétta fleti.	Það er mikilvægt að ganga vel frá gluggasyllum og láréttum flötum fyrir málun, þannig að vatn eigi ekki greiða leið inni í múrinn. Það er gert t.d. með að loka og ganga vel frá sprungum.